NASA-მ SpaceX-თან 843 მილიონი დოლარის ღირებულების კონტრაქტს მოაწერა ხელი

ამერიკის აერონავტიკისა და კოსმოსური სივრცის კვლევის ეროვნულმა სამმართველომ (NASA) ხელი მოაწერა 843 მილიონი დოლარის ღირებულების კონტრაქტს აშშ-ს კოსმოსური შატლებისა და რაკეტების მწარმოებელ SpaceX-თან, რათა შეიქმნას მანქანა, რომელიც უსაფრთხოდ დაუშვებს საერთაშორისო კოსმოსურ სადგურს (ISS) დედამიწაზე.

სოციალურ მედია პლატფორმაზე X-ზე გამოქვეყნებულ განცხადებაში NASA-მ აღნიშნა, რომ მან აირჩია მუშაობა SpaceX-თან საერთაშორისო კოსმოსურ სადგურის ორბიტიდან გამოტანის მიზნით.

გავრცელდა ინფორმაცია, რომ NASA-სა და SpaceX-ს შორის 843 მილიონი დოლარის შეთანხმება გაფორმდა კოსმოსური ხომალდის შესაქმნელად, რომელიც უზრუნველყოფს საერთაშორისო კოსმოსური სადგურის ორბიტიდან გატანას 2030 წელს მისი მისიის დასრულების შემდეგ.

NASA-მ გადაწყვიტა კოსმოსური სადგური ოკეანეში ჩაუშვას დასაპროექტებელი სატრანსპორტო საშუალებით, ისე, რომ საფრთხე არ შეექმნას დედამიწის დასახლებულ ტერიტორიებს.

NASA-ს განცხადებით, მიუხედავად იმისა, რომ საერთაშორისო კოსმოსური სადგურის დიდი ნაწილის შეკეთება შესაძლებელია ორბიტაზე, ზოგიერთ ნაწილს აქვს შეზღუდული სიცოცხლის ხანგრძლივობა ცვეთის გამო და რომ ამ სატრანსპორტო საშუალების შექმნით დაახლოებით 110 მეტრის სიგანის კოსმოსური ნაგვის ორბიტაზე ყოფნას ხელს შეუშლიან.