ტანკები „აბრამსი“, რომლებსაც აშშ გადასცემს უკრაინას, გერმანიაშია

ტანკები „აბრამსი“, რომლებსაც აშშ გადასცემს უკრაინას, გერმანიაშია

აშშ-ს თავდაცვის დეპარტამენტმა (პენტაგონმა) განაცხადა, რომ 31 ერთეული ტანკი M1 Abrams-ი, რომელიც უკრაინას გადაეცემა, ფრონტის ხაზზე გაგზავნამდე უკრაინული ჯარებისთვის წვრთნებში გამოსაყენებლად გერმანიაში, ქალაქ გრაფენვოერში გაიგზავნა.

პენტაგონის პრესმდივანმა, ბრიგადის გენერალმა პატრიკ რაიდერმა განაცხადა, რომ დაპირებული ტანკები ქალაქ გრაფენვოერში ჩავიდა.

ამერიკელმა გენერალმა თქვა, რომ უკრაინელი ტექნიკური და სატანკო პერსონალი ასევე ჩამოვა გერმანიაში, რათა გაიაროს სატანკო მომზადება უახლოეს კვირებში.

”ეს ყოვლისმომცველი სასწავლო პროგრამა უკრაინული ეკიპაჟისა და ტექნიკური პერსონალისთვის მიზნად ისახავს მოამზადოს ისინი კრიტიკული როლისთვის M1 ტანკის ეფექტურად გამოყენებისა და უკრაინელი ხალხის დასაცავად”. - თქვა რაიდერმა.

ამერიკის შეერთებულმა შტატებმა გამოაცხადა, რომ იანვარში მიაწვდის ტანკებს, რომლებიც აღჭურვილია მოწინავე ჯავშნითა და იარაღით.

თავდაპირველად, აშშ გეგმავდა ახალი M1A2 Abrams-ების შესყიდვას უკრაინაში გასაგზავნად უკრაინის უსაფრთხოების დახმარების ინიციატივის სახსრებით.

თუმცა, თავდაცვის სამინისტრომ მიწოდების პროცესის დასაჩქარებლად მარტში აშშ-ს ინვენტარში არსებული ტანკების M1A1 Abrams-ის განახლება და უკრაინისთვის გადაცემა გადაწყვიტა.

აშშ-ის ხელისუფლების შეფასებით, ეს ტანკები შესაძლოა უკრაინის ფრონტზე იყოს ყველაზე გვიან, შემოდგომაზე.