თურქულმა მფრინავმა მანქანამ პირველი ფრენა წარმატებით დაასრულა

თურქულმა მფრინავმა მანქანამ სახელწოდებით Cezeri-მ პირველი ფრენა წარმატებით დაასრულა. კომპანია Baykar-მა, რომელიც სპეციალიზირებულია უპილოტო საფრენი აპარატების და შეიარაღებული უპილოტო საფრენი აპარატების წარმოებაზე, 11 სექტემბერს წარმაოდგინა პირველი, საკუთარი წარმოების მფრინავი ავტომობილის პროტოტიპი.  „პირველი გაფრენა მფრინავმა ავტომობილმა Cezeri-მ წარმატებით განახორციელა. ჩვენ ვემზადებით რომ არ ჩამოვრჩეთ მომავალს“, ნათქვამია კომპანიის განცახდებაში. კომპანიამ ტვიტერზე ვიდეოც გაავრცელა რომელზეც აღბეჭდილია მოწყობილობის ფრენის პროცესი. მფრინავი მანქანის პირველადი პროტოტიპი, რომელიც 230 კილოგრამს იწონის, პირველი ფრენის დროს 10 მეტრ სიმაღლეზე აფრენა შესძლო.