მექსიკაში მიწისძვრა მოხდა

მექსიკის ოახაკას შტატში 5,3 მაგნიტუდის სიმძლავრის მიწისძვრა მოხდა.

ამერიკის შეერთებული შტატების გეოლოგიური კვლევის ცენტრის (USGS) განცხადებით, 5,3 მაგნიტუდის სიმძლავრის მიწისძვრა, რომლის ეპიცენტრიც სანტიაგოს იქსტალტეპეკის რეგიონის სამხრეთ-დასავლეთით 5,9 კილომეტრში იყო, მიწის ზედაპირიდან 27.4 კილომეტრის სიღრმეში დაფიქსირდა.

ოახაკას შტატის სახელმწიფო სამოქალაქო თავდაცვის სააგენტომ Twitter-ით გაკეთებულ განცხადებაში აღნიშნა, რომ მიწისძვრის შედეგად რეგიონს ზიანი მიადგა, მაგრამ ზარალის შესახებ დეტალური ინფორმაცია არ გააზიარა.