ევროპარლამენტი ფუტკრების დაცვას ითხოვს

ევროპარლამენტმა (EP) ფუტკრების დასაცავად პესტიციდების მოხმარების შემცირების მოწოდება გააკეთა.

ევროპარლამენტის გარემოს დაცვის, საზოგადოებრივი ჯანმრთელობის და სურსათის უვნებლობის კომიტეტმა ფუტკრების რაოდენობის შემცირების თავიდან ასაცილებლად რეზოლუციის პროექტი დაამტკიცა.

რეზოლუციის პროექტში მოთხოვნილია ფუტკრების დასაცავად კვლევებისთვის უფრო მეტი ფინანსური რესურსების გამოყოფა და გაკეთებულია პესტიციდების მოხმარების შემცირების მოწოდება.

რეზოლუციის პროექტს, სავარაუდოდ, იანვარში ევროპარლამენტის გენერალურ სესიაზე უყრიან კენჭს.