ტეხასის შტატში მომხდარი ავიაკატასტროფის შედეგად 10 ადამიანი დაიღუპა

ამერიკის ტეხასის შტატში მომხდარი ავიაკატასტროფის შედეგად 10 ადამიანი დაიღუპა.

ამერიკის ფედერალური ავიაციის სამმართველოს (FAA) მიერ გაკეთებული წერილობითი განცხადების თანახმად, კატასტროფა ედისონის რეგიონში მდებარე აეროპორტში ადგილობრივი დროით დილით დაახლოებით 9 საათზე მოხდა.

გავრცელებული ინფორმაციის თანახმად, თვითმფრინავმა აფრენის დროს მიმართულება დაკარგა და ანგარს შეეჯახა, რის შედეგადაც კერძო თვითმფრინავს ცეცხლი მოეკიდა და შიგნით მყოფი 10 ადამიანი დაიღუპა.

ამერიკის ფედერალური ავიაციის სამმართველოს ავიაკატასტროფის მიზეზებთან დაკავშირებით განცხადება არ გაუკეთებია. განცხადებაში ასევე ნათქვამია, რომ გამოძიების მიმდინარეობის გამო დაღუპულთა ვინაობას ჯერ-ჯერობით არ გაავრცელებენ.