მსოფლიო ჯანდაცვის ორგანიზაციის ცნობით, ებოლას ვირუსი ისევ ვრცელდ

მსოფლიო ჯანდაცვის ორგანიზაციის ცნობით, ებოლას ვირუსი ისევ ვრცელდება. 

დასავლეთ აფრიკის ქვეყნებში გვინეაში, სიერა ლეონესა და ლიბერიაში ებოლას ვირუსით გარდაცვლილთა რიცხვმა 4447-ს მიაღწია, ხოლო დღემდე დაავადებულთა რიცხვი კი 8914-მდე გაიზარდა. ვარაუდობენ, რომ დაავადებულთა რიცხვი ამ კვირაში 9 ათასს მიაღწევს.

ავადმყოფობის ინტენსიურად გავრცელების ზოგიერთ რეგიონში ვირუსის გავრცელების დონე შემცირდა, თუმცა გეოგრაფიული გავრცელება ისევ გრძელდება.

ამავდროულად, ვირუსის გავრცელების რეგიონების დახმარებაც გრძელდება. Facebook-ის შემქმნელმა მარკ ცუკერბერგმა და მისმა მეუღლემ განაცხადეს, რომ ამერიკის დაავადებათა კონტროლისა და პრევენციის ცენტრის ფონდში 25 მილიონ დოლარს გადარიცხავენ. გასულ თვეში Microsoft-ის დაამარსებელმა პარტნიორმა პოლ ალენმა ვირუსთან საბრძოლველად 9 მილიონი დოლარი გაიღო.

ატომური ენერგიის საერთაშორისო სააგენტო ებოლასთან ბრძოლის მიზნით სიერა ლეონეში, ლიბერიასა და გვინეაში დიაგნოსტიკურ აპარატს გააგზავნის, რომელიც რადიოაქტიური იზოტოპების მეშვეობით ვირუსის არსებობას რამდენიმე საათში დაადგენს.