TRT-ს დოკუმენტურმა ფილმმა "წმინდა ოკუპაცია" საუკეთესო დოკუმენტური ფილმისა და პროგრამის ჯილდო მოიპოვა

თურქეთის ტელე-რადიო კორპორაციის (TRT) World-ის კვლევითი გუნდის მიერ რთულ პირობებში მომზადებულმა დოკუმენტურმა ფილმმა "წმინდა ოკუპაცია" (Holy Redemption) სარაევოში ფესტივალზე "საუკეთესო დოკუმენტური ფილმისა და პროგრამის ჯილდო" მოიპოვა.

ბოსნია და ჰერცეგოვინის დედაქალაქ სარაევოში Al Jazeera ბალკანეთის მიერ ორგანიზებული მე-7 საერთაშორისო Al Jazeera ბალკანეთის დოკუმენტური ფილმების ფესტივალის (AJB DOC) დახურვის ცერემონია გაიმართა.

საღამოზე გამართულ დაჯილდოების ცერემონიაზე ჯილდო გადაეცა დოკუმენტურ ფილმს "წმინდა ოკუპაცია", რომლის რეჟისორები და პროდიუსერები არიან ხოსე კარლოს სოარესი, თანჟუ შაჰინი და ასლიჰან ექერ ჩაქმაქი. ფილმის გადაღებები განხორციელდა TRT World-ის კვლევითი გუნდის მიერ, რომელმაც რთული პროცესის შემდეგ შეაღწია დასავლეთ სანაპიროზე რადიკალურ ისრაელურ ჯგუფებში, ღაზაში გენოციდის დაწყებიდან 2 თვის შემდეგ.

ცერემონიაზე დამსწრე TRT-ის გენერალური დირექტორის მოადგილემ ომერ ფარუქ თანრივერდიმ განაცხადა, რომ ისინი ამ ჯილდოს პალესტინელ ხალხს უძღვნიან.

TRT-ის გუნდმა განაცხადა, რომ დოკუმენტური ფილმის "წმინდა ოკუპაცია", რომელიც აჩვენებს, თუ როგორ ხდებოდა პალესტინის მიწების ნაბიჯ-ნაბიჯ ოკუპაცია, წარდგენა გაგრძელდება საერთაშორისო პლატფორმებზე და ის 18 სექტემბერს, თურქეთის დროით 20:00 საათზე, გავა ეთერში TRT-ის საერთაშორისო არხებსა და ციფრულ პლატფორმებზე.