იცით თუ არა, რომ? 48 - 2023

იცით თუ არა, რომ? 48-2022-2023

ბოდრუმის ბალეტის ფესტივალი

იცით თუ არა, რომ 20 წელია, რაც თურქეთის ერთ-ერთ ყველაზე მნიშვნელოვან ტურისტულ ცენტრში, ბოდრუმში, ბალეტის ფესტივალი იმართება?

ბოდრუმის ბალეტის ფესტივალი, რომელიც წელს მე-20-ედ იმართება, თურქეთში პირველი და ერთადერთია. კულტურისა და ტურიზმის სამინისტროს სახელმწიფო ოპერისა და ბალეტის გენერალური დირექტორატის ორგანიზებით, ბოდრუმის მუნიციპალიტეტის მხარდაჭერით, ფესტივალი იმართება ყოველ აგვისტოს ბოდრუმის სიმბოლო ბოდრუმის ციხესიმაგრის, რომელიც დღესდღეობით წყალქვეშა არქეოლოგიის მუზეუმად გამოიყენება, ჩრდილოეთის თხრილის სცენაზე.

სახელმწიფო ოპერისა და ბალეტის გენერალური დირექტორატი თავისი მხატვრული ხარისხით, მდიდარ რეპერტუარიდან და ეროვნულ და საერთაშორისო მხატვრულ ასპარეზზე მიღწევებიდან გამომდინარე, 2003 წლიდან ყოველწლიურად, შეუფერხებლად, დიდი სიყვარულით და დისციპლინით აწყობს ამ ფესტივალს. წარმოუდგენელი გამოცდილებაა ბალეტისთვის შეხვდეს მაყურებელს ასეთ ისტორიულ გარემოში, რომელსაც თან ახლავს ბოდრუმის ცნობილი მანდარინის სურნელი. ამ ფესტივალს, რომელიც ძალზე იშვიათია მსოფლიოში და ერთადერთია თურქეთში და ბოდრუმის სილამაზეს ელფერს მატებს, წლიდან წლამდე დიდი ინტერესითა და მღელვარებით უყურებენ.  ამ ფესტივალზე მრავალი ქვეყნისა და კულტურის ხელოვნების მოყვარულებს საშუალება ეძლევათ უყურონ ბალეტისა და თანამედროვე ცეკვის გამორჩეულ ნამუშევრებს თურქეთიდან და მსოფლიოდან.

ბოდრუმის საერთაშორისო ბალეტის ფესტივალის გარდა, სახელმწიფო ოპერისა და ბალეტის გენერალური დირექტორატი მრავალი ქვეყნიდან ხელოვნების მოყვარულებს სთავაზობს მაღალი ხარისხის მხატვრულ ღონისძიებებს ისტორიულ ადგილებში და ფესტივალებს აწყობს თურქეთის სხვა მნიშვნელოვან ტურისტულ ცენტრებში. ეს არის ოპერისა და ბალეტის ფესტივალები, რომლებიც იმართება სტამბოლში, ანტიკურ ქალაქ ეფესოში და ანტალიის ასპენდოსის ანტიკური თეატრში... ეს მნიშვნელოვანი საერთაშორისო ფესტივალები ახალ ფასეულობებს მატებს ანატოლიის მიწებს, მსოფლიო ცივილიზაციის საწყის წერტილს.