იცით თუ არა, რომ? 33-2023

იცით თუ არა, რომ? 33-2022-2023

ვალას კანიონი

იცით თუ არა, რომ მსოფლიოში ერთ-ერთი ყველაზე ღრმა კანიონი თურქეთში მდებარეობს?

მსოფლიოში ყველაზე ღრმა მეორე კანიონად მიჩნეული, ვალას კანიონი მდებარეობს თურქეთის დასავლეთ შავი ზღვის რეგიონში, კასტამონუს პროვინციის საზღვრებში. თავისი უზარმაზარი მთიანი და ტყიანი ტერიტორიებით, კასტამონუ არის ერთ-ერთი იშვიათი ადგილი, სადაც შეგიძლიათ ნახოთ ისეთი ბუნებრივი სილამაზეები, როგორიცაა კანიონები, გამოქვაბულები, მდინარეები და ჩანჩქერები.

ვალას კანიონში გავლა, რომელსაც აქვს მაღალი 800-დან 1200 მეტრამდე კლდეები, რთული, ხანგრძლივი და საკმაოდ სარისკოა. ერთ-ერთ ყველაზე რთულად გასავლელ ვალას კანიონში გავლა მხოლოდ პროფესიონალთა ჯგუფებს შეუძლიათ შესაბამისი ტექნიკით. თუმცა, მოკლე შესვლა შეიძლება მოხდეს ადგილობრივ გიდებთან ერთად შესასვლელთან და გასასვლელში. კანიონის საყურებლად აშენებული ტერასიდან არაჩვეულებრივი სილამაზის ხედი იშლება.

კანიონზე, სადაც კლდეებზე ცხოვრობენ მტაცებელი ფრინველები, როგორიცაა არწივი, ქორი, სვავი და სხვა, 40-ზე მეტი ჩანჩქერია. მათ შორისაა, ილიჯას ჩანჩქერი, რომელიც 14 მეტრიდან ვარდება. იგი არ არის ისეთი დიდებული, როგორც სხვა ჩანჩქერები, რომლებიც უფრო მეტად მაღალია, მაგრამ ნამდვილად ღირს მისი ნახვა გარშემო არსებული ბრწყინვალე მცენარეების საფარის გამო.

ამავე რეგიონში მდებარე ილგარინის მღვიმე სიდიდით მე-4 მღვიმეა მსოფლიოში. ვარაუდობენ, რომ მღვიმე, რომლის სიგრძე 858 მეტრი და სიღრმე 250 მეტრია, 220 მილიონ წელიწადში ჩამოყალიბდა. მღვიმეში მდებარე სტალაქტიტებისა და სტალაგმიტების ხედს საოცარი სილამაზე აქვს. გამოქვაბულში ასევე ჩანს გვიანი რომაული და ბიზანტიური პერიოდის სამლოცველოები, სამარხები და ცისტერნები. გამოქვაბულამდე მიმავალ ტყის გზაზე კიდევ ორი ​​გამოქვაბული მდებარეობს, რომლებიც ცნობილია „სოკოს გამოქვაბულისა“ და „დრაკონის გამოქვაბულის“ სახელით და ისინი ნახვად ნამდვილად ღირს.