მსოფლიოში ყველაზე ასაკოვანი მამაკაცი გარდაიცვალა

მსოფლიოს უხუცესი მამაკაცი, ესპანეთის ქალაქ ლეონეში მცხოვრები სატურნინო დე ლა ფუერტე, 113 წლის იუბილემდე რამდენიმე დღით ადრე გარდაიცვალა. ესპანური საინფორმაციო სააგენტო EFE-ს ახალი ამბების ბიულეტენით, გინესის რეკორდების წიგნში შემავალი და გუშინ სახლში გარდაცვლილ სატურნინოს,  12 თებერვალს 113 წელი შეუსრულდებოდა. იგი დაიბადა ესპანეთში მეფე ალფონსო XIII-ის (1886-1941) მეფობის დროს და 1918 წელს ევროპას მასიურად მოდებული და მეტად მძვინვარე ესპანური გრიპიც გადაიტანა. იგი თვითმხილველი იყო 1923 წლის პრიმო დე რივერას დიქტატურისა, მეორე რესპუბლიკისა (1931-1939), სამოქალაქო ომისა (1936-1939) და ფრანკოს დიქტატურისა (1939-). 1975).  დე ლა ფუერტე გახდა ქალაქ ლეონში პირველი ადამიანი, ვისაც ჩაუტარდა კოვიდ-19-ის საწინააღმდეგო აცრა. დედამიწის უხუცესი ადამიანის დაკრძალვის ცერემონიალი, რომელსაც 8 შვილი, 14 შვილიშვილი და 22 შვილიშვილი ჰყავს, დღეს გაიმართება.