იცით თუ არა, რომ? 18-2022

იცით თუ არა, რომ? 18-2022

იცით თუ არა, რომ ისტორიაში პირველი მონეტა ანატოლიაში გამოიყენეს?

კაცობრიობის ისტორიაში ერთ-ერთი ყველაზე მნიშვნელოვანი გამოგონება ფული, ჩვენს წელთ აღრიცხვამდე მეშვიდე საუკუნეში ლიდიელებმა გამოიგონეს.

ლიდიის ცივილიზაცია, რომელიც შეიქმნა ანატოლიის დასავლეთით, იყო ვაჭრობის ცენტრი აზიასა და ევროპას შორის. მანამდე ვაჭრობა გაცვლის გზით ხდებოდა, თუმცა ლიდიის მეფის ბრძანებით მონეტების მოჭრა დაიწყო. ისტორიაში მოჭრილი პირველი მონეტები ვერცხლისა და ოქროს ნაზავი იყო.

ლიდიელების შემდეგ მონეტების გამოყენება სულ უფრო და უფრო გავრცელდა. ანატოლიიდან ფული ჯერ ხმელთაშუა ზღვის ცივილიზაციებში, შემდეგ კი მთელს მსოფლიოში მოკლე დროში გავრცელდა. ანატოლიაში დამკვიდრებული ცივილიზაციების მეფეებმა მონეტები საკუთარი გამოსახულებით მოჭრეს. ფულის მოჭრა სახელმწიფოთა ძალაუფლებისა და სუვერენიტეტის სიმბოლოდ იქცა.