ეგვიპტეში 110 ანტიკური სამარხი აღმოაჩინეს

ეგვიპტეში, დაკაჰლიის საგუბერნატოროში ძვ.წ. დროინდელი 110 ანტიკური სამარხი აღმოაჩინეს. აღნიშნულის შესახებ ინფორმაციას, ტურიზმისა და სიძველეთა სამინისტრო ავრცელებს. მათი თქმით, აღმოჩენილია 68 ოვალური ფორმის სამარხი, რომელიც თარიღდება პრედინასტიკური პერიოდით (ძვ.წ. 6000-3150 წლები), ასევე 37 მართკუთხა ფორმის სამარხი ანტიკური ეპოქიდან, რომელიც ცნობილია როგორც მეორე შუალედური პერიოდი (ძვ. წ. 1782-1570), როდესაც ჰიქსოსელების სემიტი ხალხი მართავდა ძველ ეგვიპტეს. ხუთი ოვალური ფორმის სამარხი კი თარიღდება, დაახლოებით ძვ.წ. 3000 წლით.