მსოფლიოში ყველაზე მდიდარი ადამიანი ილონ მასკი გახდა

ამერიკელი ბიზნესმენი, გამომგონებელი და ინვესტორი, SpaceX-ის დამფუძნებელი, აღმასრულებელი დირექტორი და წამყვანი დიზაინერი, ილონ მასკი მსოფლიოში ყველაზე მდიდარ ადამიანად დასახელდა. სპეციალისტების შეფასებით, Tesla-ს აქციების ღირებულების ზრდის ფონზე ილონ მასკის ქონება 188,5 მილიარდ დოლარამდე გაიზარდა და მსოფლიოს 500 ყველაზე მდიდარ ადამიანს შორის პირველი ადგილი დაიკავა.

ცნობისათვის, 2020 წელს მსოფლიოს 500 უმდიდრესი ადამიანის სიმდიდრე დაახლოებით 1,8 ტრილიონი დოლარით გაიზარდა  და ჯამში  7,6 ტრილიონ დოლარს მიაღწია.