რუსეთის მეფის გვირგვინიანი პრეზიდენტი

ვლადიმერ პუტინი, რომელიც ამ თვეში ჩატარებულ საპრეზიდენტო არჩევნებში მეოთხე ვადით იქნა არჩეული ქვეყნის პირველ პირად, აშშ-ში გამომავალმა და მეტად პოპულარულმა ჟურნალმა Time-მა თავის გარეკანზე იგი გამოსახა თავზე რუსეთის მეფის  გვირგვინით.

ჟურნალის ეს ბოლო ნომერი 2 აპრილს გამოვა და პუტინის მეოთხედ გამარჯვებისადმი მიძღვნილი სტატიის სახელწოდება იქნება “აღმავალი მეფე“.

ჟურნალ Time-ს  4 ვერსია გააჩნია, ევროპის, ახლო აღმოსავლეთისა და აფრიკის, ამერიკისა და წყნარი ოკეანიის რეგიონებისთვის და პუტინის გვირგვინიანი გამოსახულება ამერიკის გარდა, ყველა დანარჩენი რეგიონის ჟურნალში იქნება.

18 მარტს ჩატარებულ არჩევნებში პუტინმა ხმების 76,69%-ი მიიღო, ე.ი. მას ხმა მისცა 56 მილიონზე მეტმა ამომრჩეველმა და 2024 წლამდე დარჩება რა პრეზიდენტის სავარძელში, ამით იგი, რუსეთის სახელმწიფო ლიდერებს შორის სტალინის შემდეგ  ყველაზე გრძელვადიანი ლიდერი გახდება