ბერლინში მეჩეთი დაწვეს

გერმანიის დედაქალაქ ბერლინში თურქეთის რელიგიურ საქმეთა სამმართველოს დაქვემდებარებაში მყოფი მეჩეთი გუშინ საღამოს დაწვეს. თვითმხილველების ინფორმაციით,  სამმა ნიღბიანმა პირმა  მეჩეთის ფანჯრები ჩაამტვრიეს და შენობას ცეცხლი წაუკიდეს. საკითხთან დაკავშირებით ბერლინში თურქეთის კონსულმა,  მუსტაფა ჩელიქმა განაცხადა, რომ მეჩეთზე თავდასხმა სავარაუდოდ სეპარატისტული ტერ ორგანიზაცია PKK-ს ან კიდევ ქსენოფობიურ დაჯგუფების წევრებმა განახორციელეს.  მომხდარის შედეგად არავინ დაღუპულა არც დაშავებულა. ფაქტთან დაკავშირებით მიმდინარეობს გამოძიება.