თურქეთის ზეითუნის ზეთის ექსპორტი გაიზარდა

თურქმა ზეთისხილის ზეთის ექსპორტიორებმა 2024 წლის 1 ნოემბრიდან დაწყებული საექსპორტო სეზონი წარმატებით გახსნეს.

განსაკუთრებით კონკურენტ ქვეყნებში მოსავლის დანაკარგმა და, ამის საპირისპიროდ, თურქეთში პროდუქტის სიუხვემ ექსპორტიორებს უპირატესობა მიანიჭა.

სეზონის პირველ ორ თვეში ზეთისხილის ზეთის ექსპორტი რაოდენობრივად 101%-ით გაიზარდა და 16,086 ტონას მიაღწია, რამაც 86,405,000 დოლარის სავალუტო შემოსავალი მოიტანა.

ექსპორტის დაახლოებით ნახევარი ამერიკის შეერთებულ შტატებზე მოდის.

თურქეთის მიერ ზეთისხილის ზეთის უმსხვილეს იმპორტიორ აშშ-ში ექსპორტი 2023 წლის იმავე პერიოდთან შედარებით 5-ჯერ გაიზარდა და 7,520 ტონას მიაღწია.

ამ ქვეყანაში ექსპორტიდან მიღებული შემოსავალი 260%-ით გაიზარდა და 39,106,000 დოლარს მიაღწია.

ზეთისხილის ზეთის მნიშვნელოვან კონკურენტ იტალიაში ექსპორტი 442%-ით გაიზარდა და 1,811 ტონას, ხოლო ღირებულებით 318%-ით გაიზარდა და 8,013,000 დოლარს მიაღწია.

ესპანეთში კი 1,224 ტონა ზეთისხილის ზეთი გაიყიდა, რომლის ღირებულებემაც 5,686,000 დოლარი შეადგინა.

საუდის არაბეთში ექსპორტი 157%-ით გაიზარდა და 930 ტონას, ხოლო ღირებულებით 57%-ით გაიზარდა და 4,597,000 დოლარს მიაღწია.