ვუჩიჩმა განაცხადა, რომ აშშ სანქციებს დაუწესებს სერბეთის ნავთობის მრეწველობას

სერბეთის პრეზიდენტმა ალექსანდრ ვუჩიჩმა განაცხადა, რომ ამერიკის შეერთებული შტატები სანქციებს დაუწესებს სერბეთის ნავთობის მრეწველობას (NIS), რომლის მენეჯმენტის დიდი ნაწილი რუსული ენერგოკომპანია „გაზპრომ ნეფტის“ ხელშია.

სერბეთის ტელე-რადიო მაუწყებლობასთან (RTS) საუბრისას ვუჩიჩმა გააკეთა განცხადებები აშშ-ს შესაძლო სანქციებთან დაკავშირებით, რაც ქვეყნის დღის წესრიგში დიდი ხანია დგას.

ვუჩიჩმა აღნიშნა, რომ აშშ 10 ან 13 იანვარს დაუწესებს მასშტაბურ სანქციებს სერბეთის ნავთობის მრეწველობას და დაამატა: ”სანქციებს არ აქვს კავშირი რუსეთის ომის მცდელობებთან ან ფინანსურ მდგომარეობასთან. მე არ ვფიქრობ, რომ აშშ-ს სურს სერბეთის დასჯა. მათ სურთ ვიყო მათ მხარეს“.

მანვე თქვა, რომ სანქციებთან დაკავშირებით ორი პუნქტი უცნობია და დაამატა: „პირველი არის ეს გავლენას მოახდენს რუსეთის მთელ ადმინისტრაციაზე თუ იქნება ეს აქციების სახით. მეორე არის როდის განხორციელდება ეს სანქციები. მე მოვითხოვე, რომ რაც შეიძლება დიდი დრო მოგვცენ, ვნახოთ, როგორ იქნება“.

ვუჩიჩმა აღნიშნა, რომ აშშ-ს ფინანსთა ახალ მინისტრს შეხვდება და სჯერა, რომ ბევრი ზომა მოიხსნება, როდესაც აშშ-ის არჩეული პრეზიდენტი დონალდ ტრამპი და მისი ადმინისტრაცია თანამდებობას დაიკავებენ.

სერბეთის ენერგეტიკის მინისტრმა დუბრავკა ჯედოვიჩ ჰანდანოვიჩმა თქვა, რომ შეიქმნა ორი განსხვავებული გუნდი სერბეთის ნავთობის მრეწველობის მიმართ გამოყენებული შესაძლო სანქციების შედეგების შესამცირებლად და რუსეთთან გაზის მოლაპარაკებების გრძელვადიან პერსპექტივაში გასაგრძელებლად.

ადგილობრივი პრესა წერს, რომ სერბეთის ნავთობის მრეწველობის მენეჯმენტის უმეტესი ნაწილი „გაზპრომ ნეფტის“ ხელშია 2008 წლიდან.

ამერიკის შეერთებულმა შტატებმა და ევროკავშირმა განაცხადეს, რომ „გაზპრომ ნეფტი“ შავ სიაში 2014 წელს შეიტანეს.