ომერ ბოლათი: „ეროვნული შემოსავალი ერთ სულ მოსახლეზე თურქეთში 12 ათას 500 დოლარამდე გაიზრდება“

ვაჭრობის მინისტრმა ომერ ბოლათმა განაცხადა, რომ 2023 წელი დაიხურება 1 ტრილიონ დოლარზე მეტი ეროვნული შემოსავლით და ეროვნული შემოსავალი ერთ სულ მოსახლეზე თურქეთში 12 ათას 500 დოლარამდე გაიზრდება.

მინისტრმა ბოლათმა გუშინ, გაზიანთეფში გამართულ „ექსპორტის მობილიზაციის სამიტზე“ ისაუბრა.

მან ასევე აღნიშნა, რომ თურქეთი განიხილება, როგორც უფრო მნიშვნელოვანი საწარმოო და მიწოდების ბაზა, ვიდრე შორეული აღმოსავლეთი.

მინისტრმა ბოლათმა განაცხადა, რომ ისინი, როგორც ვაჭრობის სამინისტრო მხარს უჭერენ წარმოებას, ინვესტიციებს, დასაქმებასა და ვაჭრობას.

„რაც უფრო იზრდება ვაჭრობა, მით უფრო იგრძნობა გამდიდრება და კეთილდღეობა. უპირველეს ყოვლისა, დიდი ინტერესი და პატივისცემაა გამოვლენილი ჩვენი პრეზიდენტისა და ჩვენი ქვეყნის მიმართ. ამას ვხედავთ ყველა მოგზაურობასა და კონტაქტში. ჩვენ გვაქვს ძლიერი ეკონომიკა“, განაცხადა ომერ ბოლათმა.