აშშ: ჩვენ მხარს ვუჭერთ თურქეთისა და გაეროს ძალისხმევას მარცვლეულის ინიციატივაზე

აშშ: ჩვენ მხარს ვუჭერთ თურქეთისა და გაეროს ძალისხმევას მარცვლეულის ინიციატივაზე

თურქეთისა და გაეროს ხელმძღვანელობით შავი ზღვის მარცვლეულის ინიციატივის გაგრძელების შესახებ ვაშინგტონმა განცხადება გააკეთა. აშშ-ის სახელმწიფო დეპარტამენტმა ხაზგასმით აღნიშნა, რომ ისინი მხარს უჭერენ თურქეთისა და გაეროს ძალისხმევას.

შავი ზღვის მარცვლეულის ინიციატივის გახანგრძლივებასთან დაკავშირებით, აშშ-ის სახელმწიფო დეპარტამენტის წარმომადგენელმა TRT Haber-ის ჟურნალისტის შეკითხვებს უპასუხა და აღნიშნა: „ჩვენ მტკიცედ ვუჭერთ მხარს გაერთიანებული ერების ორგანიზაციისა და თურქეთის მიერ შავი ზღვის მარცვლეულის ინიციატივის განახლებისა და მსოფლიო ბაზრებზე უკრაინული და რუსული მარცვლეულის გატანის მიზნით წარმოებულ მცდელობებს“.

ხაზგასმით აღნიშნა, რომ შავი ზღვის მარცვლეულის ინიციატივის შეწყვეტა საფრთხეს უქმნის საკვების ხელმისაწვდომობას დაბალშემოსავლიან ქვეყნებში და რომ შავი ზღვის მარცვლეულის ინიციატივით გლობალურ ბაზრებზე 24 მილიონ ტონაზე მეტი მარცვლეული და საკვები იქნა ტრანსპორტირებული.