გაზპრომი ევროპაში გაზის მიწოდებას კიდევ ამცირებს

რუსეთის უმსხვილესი ბუნებრივი აირის მწარმოებელი კომპანია „გაზპრომი“, უკრაინის გავლით ევროპაში მისაწოდებელ ბუნებრივ აირს 23 პროცენტამდე შემცირებს და 25,1 მილიონ კუბურ მეტრს გახდის. გაზპრომის მიერ რუსული პრესისთვის გაკეთებულ განცხადებაში აღნიშნულია, რომ კომპანიის სოჰრანივკას გამანაწილებელი პუნქტიდან გაზის გადაზიდვის მოთხოვნა უკრაინამ უარყო. ამავე განცხადებაში ასევე აღნიშნულია, რომ გაზის მიწოდება სუდჟას პუნქტიდან გაგრძელდება, რომლის მოცულობაც დღეს 25,1 მლნ კუბური მეტრი იქნება.

მაშინ, როდესაც გაზპრომმა გუშინ უკრაინის გავლით ევროპაში 32,6 მილიონი კუბური მეტრი ბუნებრივი აირი გაგზავნა, დღეს 23 პროცენტით შემცირდება.

შეგახსენებთ, რომ გასული წლის მაისში უკრაინამ სოჰრანივკას გამანაწილებელი პუნქტიდან ევროპის მიმართულებით გაზის მიწოდება შეაჩერა, საიდანაც ევროპაში რუსული ბუნებრივი გაზის მესამედი მიეწოდებოდა.