იაპონია ეკონომიკური სანქციების ფარგლებში ნავთობის იმპორტის აკრძალვის დამატებას გეგმავს

იაპონიის მთავრობა, უკრაინაში ომის გამო რუსეთისთვის დაწესებული ეკონომიკური სანქციების ფარგლებში ნავთობის იმპორტის აკრძალვის დამატებას გეგმავს.

იაპონიის პრემიერ-მინისტრმა კიშიდა ფუმიომ პრესკონფერენციაზე განაცხადა, რომ (ყველაზე განვითარებული ინდუსტრიის მქონე ქვეყნები) „დიდ შვიდეულის“ „სოლიდარობის“ შესაბამისად, პრინციპულად აკრძალავენ ნავთობის იმპორტს რუსეთიდან.

„ეს ძალიან რთული გადაწყვეტილებაა, მაგრამ ყველაზე მნიშვნელოვანი ახლა არის G-7-ის სოლიდარობა“, - თქვა კიშიდამ და დასძინა, რომ შორეული აღმოსავლეთის რეგიონში რუსეთის ნავთობისა და გაზის პროექტებში ისინი „დაიცავენ იაპონიის ინტერესებს“.

კიშიდამ სახალინ-1 და სახალინ-2 პროექტებთან დაკავშირებით აღნიშნა, რომ "იაპონიის ენერგეტიკული უსაფრთხოებისთვის სასიცოცხლო მნიშვნელობისაა" და რომ ისინი "ეტაპობრივად შეაჩერებენ" ნავთობის იმპორტს რუსეთიდან.

„ჩვენ მას ეტაპობრივად შევაჩერებთ საზოგადოებასა და ბიზნესზე უარყოფითი ზემოქმედების მინიმალიზაციის მიდგომით, მაგრამ ჩვენი გეგმა, დავიცვათ ჩვენი ინტერესები (პროექტებში) გრძელდება“. თქვა იაპონიის პრემიერ-მინისტრმა.