EBRD-ი უკრაინას 100 მილიონი ევროს სავაჭრო დაფინანსებას გამოუყოფს

ევროპის რეკონსტრუქციისა და განვითარების ბანკმა (EBRD) გამოაცხადა, რომ უკრაინისთვის 100 მილიონი ევროს სავაჭრო დაფინანსების უზრუნველყოფის გადაწყვეტილება იქნა მიღებული.

EBRD-ის მიერ გაკეთებულ განცხადებაში ნათქვამია, რომ ბანკის მიზანია მიმდინარე წლის ბოლომდე უკრაინაში 1 მილიარდი ევროს მთლიან ინვესტიციას მიაღწიოს, ამასთან ხაზგასმით აღნიშნულია, რომ 100 მილიონი ევროს დაფინანსება იქნება შეთავაზებული ომის პირობებში ვაჭრობის მხარდასაჭერად.

იქვე ნათქვამია, რომ ომმა შეაფერხა სავაჭრო ჯაჭვი ქვეყნის სამხრეთ-ჩრდილოეთ სავაჭრო კავშირებზე ზემოქმედებით.

მეორე მხრივ, განცხადებაში ასევე ხაზგასმულია, რომ უკრაინის ეკონომიკის 60-70 პროცენტი, სავარაუდოდ, განაგრძობს ფუნქციონირებას ომის გარემოს მიუხედავად და ეკონომიკას შეუძლია სწრაფად მოერგოს ომის პირობებს.