თურქეთი, დიდ ბრიტანეთთან თავისუფალი ვაჭრობის შეთანხმებას აფორმებს

საგარეო საქმეთა მინისტრმა მევლუთ ჩავუშოღლუმ განაცხადა, რომ უახლოეს მომავალში, დიდ ბრიტანეთთან თავისუფალი ვაჭრობის შეთანხმებას მოაწერენ ხელს, რომელიც ინდუსტრიულ და სასოფლო-სამეურნეო პროდუქტებს მოიცავს. მან ამის შესახებ ორი დღის წინ ლონდონში ვიზიტის დროს ბრიტანულ გაზეთ Financial Times-თან ინტერვიუს დროს განაცხადა. „თავისუფალი სავაჭრო შეთანხმების საკითხთან დაკავშირებით მოლაპარაკებები წარმატებით გრძელდება. უახლოეს მომავალში შედეგსაც ვიხილავთ. თუ გადავხედავთ ჩვენი ორმხრივი ვაჭრობის მოცულობას, მისი 95% ინდუსტრიულ, ხოლო  5%-ი  სასოფლო-სამეურნეო პროდუქტებზე მოდის. დიდი ბრიტანეთი, თურქეთის სტრატეგიული პარტნიორია. ჩვენმა ქვეყნებმა შეთანხმდნენ, რომ ბრექსიტის შემდეგ ორმხრივი სავაჭრო ურთიერთობა კიდევ უფრო გაფართოვდეს და ამისათვის შესაბამისი სამუშაოები უკვე დაწყებულია“, აცხადებს ჩავუშოღლუ Financial Times-თან ინტერვიუს დროს.