ბერათ ალბაირაქი ეკონომიკური ზრდის იმედს არ კარგავს

თურქეთის ხაზინისა და ფინანსთა მინისტრმა ბერატ ალბაირაკმა, თურქეთის ტელე-რადიო მაუწყებლობა TRT Haber–ის ჟურნალისტების შეკითხვებზე პასუხის გაცემისას განაცხადა, რომ ახალი ტიპის კორონავირუსის, კოვიდ-19 ეპიდემიის მიუხედავად, წელს ეკონომიკაში პოზიტიური ზრდა ექნებათ. მან ყურადღება გაამახვილა კოვიდ-19 ეპიდემიის პერიოდში გადადგმულ ნაბიჯებზე, მათ შორის გადასახადების გადავადებაზე, ნაღდ ფულზე მოთხოვნილებების დაკმაყოფილებაზე, სამუშაოებიდან თანამშრომლების დათხოვნის აკრძალვაზე, დამსაქმებლების ხანმოკლე სამუშაო შემწეობით უზრუნველყოფაზე და თქვა: ”თურქეთი, მსოფლიოსთან შედარებით, ეკონომიკის ზრდის, უმუშევრობის და სხვა პარამეტრებში უფრო ნაკლებად დაზარალებულია და ამიტომ უფრო პოზიტიურ შედეგებს ველოდებით. ეს კრიზისი, რომელიც კოვიდ-19 ეპიდემიამ გამოიწვია, რომ არ ყოფილიყო, წელს 5%-იან ეკონომიკურ ზრდას ველოდებოდით. მაგრამ მიუხედავად ამ კრიზისისა, ჩვენ დიდ ძალისხმევას ვიჩენთ, რათა ქვეყნის ეკონომიკა შემცირდეს არა 5%, 8%, 10%-ით, არამედ პირიქით, პოზიტიური ზრდა გვქონდეს და ასე დავხუროთ 2020 წელი,” ხაზგასმით განაცხადა ალბაირაქმა