ორდუ-გირესუნის აეროპორტიდან გერმანიის მიმართულებით პირდაპირი ფრენები დაიწყო

თურქეთში შავ ზღვაზე აშენებული პირველი,  ორდუ-გირესუნის აეროპორტიდან გერმანიის მიმართულებით პირდაპირი ფრენები დაიწყო. დღეს დილით გერმანიიდან გამოფრენილი პირველი 172 მგზავრიანი თვითმფრინავი ორდუ-გირესუნის აეროპორტში თურქეთის დროით 03:00 საათზე დაეშვა, შემდეგ კი იგივე თვითმფრინავი 170 მგზავრით უკან გაფრინდა. ორდუ-გირესუნის აეროპორტიდან გერმანიის მიმართულებით პირდაპირი ფრენების დაწყებამ ყველაზე მეტად გერმანიაში მცხოვრები თურქები გაახარა. აღნიშნული აეროპორტიდან გერმანიის მიმართულებით პირდაპირი ფრენები ამჟამად კვირაში ერთხელ ხორციელდება, მაგრამ ზაფხულის პერიოდში ფრენების რიცხვი გაიზრდება.