در تاجیکستان نشست سازمان همکاری شانگهای آغاز گردید

در این نشست اساساً روی مسئله افغانستان بحث صورت خواهد گرفت

1707289
در تاجیکستان نشست سازمان همکاری شانگهای آغاز گردید

نشست سازمان همکاری شانگهای برابر با بیستمین سالگرد تاسیس این سازمان امروز در شهر دوشنبه پایتخت تاجیکستان آغاز گردید.

در این نشست رهبران و نمایندگان از تاجیکستان، هند، قزاقستان، چین، قرغزستان، پاکستان، روسیه، بلاروس، ایران، مغلستان، ترکمنستان  ولادیمیر نوروف، دبیرکل این سازمان، دبیر کل سازمان ملل متحد و نمایندگان از برخی دیگر از سازمان های بین المللی شرکت می نمایند.

در این نشست مسائل امنیتی، منطقه‌ای و بین المللی به ویژه اوضاع افغانستان و همچنین فعالیت‌های این سازمان مورد بحث قرار می‌گیرد.

همچنین روند عضویت ایران در سازمان همکاری شانگهای آغاز خواهد گردید.

در نشست سازمان همکاری شانگهای همکاری مشترک در مبارزه با همه‌گیری کووید-19 نیز مورد بحث قرار خواهد گرفت.

این در حالی است که دیروز رهبران سازمان پیمان امنیت جمعی با محور افغانستان در تاجیکستان نشست برگزار کردند.



اخبار مربوطه