Türkiyə mətbuatı, 25 oktyabr 2021
Türkiyə mətbuatında bu gün (25 oktyabr) ölkə və dünya gündəminə dair dərc olunmuş xəbərlərin xülasəsi.
“Star”: “Qarabağda bir ilk: Açılış mərasiminə prezident Ərdoğan da iştirak edəcək”
Prezident Rəcəb Tayyib Ərdoğan son bir ildə üçüncü dəfə Azərbaycana səfər edəcək. Azərbaycanın işğaldan azad edilmiş Qarabağ ərazisində inşa etdirdiyi “Füzuli Beynəlxalq Hava Limanı” sabah Ərdoğanın da iştirak edəcəyi mərasimlə istifadəyə veriləcək.
“Haber Türk”: Daxili işlər naziri Süleyman Soylu, zərərsizləşdirildiklərini açıqladı
Daxili işlər naziri Soylu Hakkaridə 2 terrorçunun zərərsizləşdirildiyini bildirib. Soylu dünən verdiyi açıqlamada, Çukurca sərhədindən ölkə ərazilərinə daxil olan 2 terrorçu Jandarma qüvvələrinə məxsus silahlı pilotsuz uçuş aparatların (J- SİHA) yaxın hava dəstəyi və quru əməliyyat nəticəsində məhv edildiyini bildirib.
“Sabah”: Səlahiyyətli qızıl istehsalı ilə əlaqəli təqvim açıqladı
Türkiyənin “milli enerji və mədənçilik” siyasəti çərçivəsində işlər sürətlə aparılır. “Tarım Kredi ve Gübretaş Mədən Yatırımları Anonim Şirkətinin” İdarə Heyətinin rəhbəri Faxrəddin Poyraz, Biləcik şəhərinin Söğüt rayonundakı qızıl ehtiyatı və mədən sahəsində aparılan işlərə dair açıqlama verib. Qeyd edib ki, aparılan fəaliyyətlər çərçivəsində ilk qızıl külçəmizi 2022-ci ilin sonu etibari ilə əldə edərək Türkiyə iqtisadiyyatına qazandırmağı planlayırıq.
“Yeni Şafak”: Yüksək sürətli hədəf təyyarə sistemi, raketə çevrildi.
Müdafiə Sənayesi Rəhbərliyinin Başçısı İsmayıl Dəmir, sosial media hesabından paylaşdığı açıqlamada Türk Təyyarə Sənayesi Anonim Şirkəti (TUSAŞ) tərəfindən hazırlanan Yüksək sürətli Hədəf Təyyarə Sisteminin uzun məsafələrdəki hədəfi vurabiləcək raketə çevrildiyini bildirib.
“Hürriyet”: Türkiyəli fotoqraf Məhmət Aslan “Sienna Fotoqrafiya Mükafatının” qalibi oldu
Dünyanın 163 ölkəsindən fotoqrafların iştirak etdiyi nüfuzlu foto müsabiqələrindən “Sienna Fotoqrafiya Mükafatının” qalibləri bəlli olub. Türkiyəli sənətçi Məhmət Aslan “Həyatın çətinliyi” adı ilə bilənən əsəri ilə müsabiqinin qalibi olub. Türk rəssam əsərində suriyalı ata və oğulun həyat hekayəsinə toxunub.
