“TRT Beynəlxalq Sənədli Film Mükafatları” üçün son müraciətlər qəbul edilir

Türkiyə Radio və Televiziya Qurumu (TRT) tərəfindən bu il 15-ci dəfə təşkil edilən "TRT Beynəlxalq Sənədli Film Mükafatları"na müraciətlər 15 noyabra qədər davam edəcək. Müsabiqə həvəskar və peşəkar sənədli film çəkənləri dəstəkləmək, bu janrının inkişafına və genişlənməsinə töhfə vermək və müxtəlif ölkələrdən olan proyektləri tamaşaçılarla bir araya gətirmək məqsədi daşıyır.

Dünyanın müxtəlif yerlərindən insanları bir araya gətirərək fikir mübadiləsi üçün bir platforma yaratmağı hədəfləyən müsabiqəyə müraciətlər 15 noyabra qədər "www.trtbelgesel.com" saytı üzərindən edilə bilər.

Qəzzada yaşananlara diqqət çəkmək məqsədilə bu il "Uzaq olsa da əslində çox yaxındır" şüarı ilə keçirilən tədbirə 17 oktyabrdan etibarən sadəcə ölkə xaricindən 840 müraciət olub.

Tədbir çərçivəsində milli və beynəlxalq kateqoriyalarda 13 mükafat veriləcək. İştirakın pulsuz olduğu müsabiqədə mükafatlar "Beynəlxalq Peşəkar ", "Milli Peşəkar ", "Milli Tələbə " və "Layihə Dəstəyi " olmaqla 4 kateqoriyada sahiblərinə təqdim olunacaq. İlk 3-də isə TRT-nin quruluşunun 60-cı ili münasibətilə "60-cı ildönüm Xüsusi Mükafatı" da veriləcək. Müsabiqə çərçivəsində bütün kateqoriyalarda ümumilikdə 13 mükafat təqdim ediləcək. İlkin seçim nəticələri 22 noyabrda elan edilərkən qaliblər 15 dekabrda keçiriləcək mərasimdə açıqlanacaq.

Kino peşəkarları ilə usta dərsləri, sənədli filmçiliyin bu günü və gələcəyinə dair müzakirələr və seminarlar kimi tədbirlər bütün iştirakçılar üçün açıq və pulsuz olacaq.