Hakan Fidan TBMM-də çıxış edib

Xarici işlər naziri Hakan Fidan deyib: ''Qəzzaya hücumları dayandırmaq üçün bölgədəki ölkələr İsrailə birgə təzyiq göstərməlidir''.
Xarici işlər naziri Hakan Fidan Türkiye Böyük Millət Məclisində çıxış edib.
"İsrailin hücumları nəticəsində indiyədək təxminən 12 min fələstinli həyatını itirib. Məscidlərin bombalanmasını heç bir şəkildə qəbul etməyəcəyik. Daimi sülh üçün birlikdə çalışmaq  mövzusunda qətiyyətliyik.Qəzzaya hücumları dayandırmaq üçün bölgədəki ölkələr İsrailə birgə təzyiq göstərməlidir. Bölgədəki ölkələrlə danışmaq vacibdir. Yeganə həll yolu 1967-ci il sərhədləri daxilində Fələstin dövlətinin qurulmasıdır''.
Nazir Hakan Fidan 7 oktyabrdan bu yana Misirə 11 təyyarə ilə ləvazimat çatdırıldığını, 983 vətəndaşın təxliyəsi üçün işlərin davam etdiyini, 170 vətəndaşın isə Qəzzadan təxliyə edildiyini bildirib.