Qəzzaya dərman və tibbi ləvazimat daşıyan təyyarə Misirə çatıb

Türkiyedən Qəzzaya dərman və tibbi ləvazimat daşıyan və içərisində 20 mütəxəssis həkimin olduğu təyyarə Misirin paytaxtı Qahirəyə çatıb.
Səhiyyə Nazirliyindən verilən yazılı açıqlamaya görə, dərman və tibbi ləvazimat daşıyan və 20 mütəxəssis həkimlə Ankaradan yola düşən təyyarə dünən günorta saatlarında Qahirəyə enib.

Səhiyyə Nazirliyinin idarəçiləri də daxil olmaqla 20 mütəxəssis həkim Misir Səhiyyə Nazirliyinin nazir müavini və digər rəsmi şəxslərlə görüşüb və Qəzzaya edilən səhiyyə yardımlarını qiymətləndiriblər.

Digər tərəfdən, Milli Müdafiə Nazirliyindən verilən açıqlamada Qəzza üçün hazırlanan və içərisində çoxu tibbi ləvazimatlar olan yardım paketləri daşıyan Türkiye Hərbi Hava Qüvvələrinə məxsus təyyarənin Misirə yola düşdüyü bildirilib.

Qeyd olunub ki, bölgəyə yardımın çatdırılması üçün 4 döyüş uçuşu planlaşdırılır və ilk hazırlanmış təyyarə Ankara Etimesgutdakı 11-ci Hava Nəqliyyatı Baş Baza Komandanlığından Misirə yola düşüb.

Açıqlamada digər yardım təyyarələri üçün hazırlıqların davam etdiyi və hazır olan kimi Misirə yola düşəcəkləri qeyd edilib.