''Türkiye ilə Şimali Makedoniya arasındakı əməkdaşlıq Balkanların təhlükəsizliyinə töhfə verəcək''

Türkiyenin milli müdafiə naziri Yaşar Gülər deyib:“Daha güclü Şimali Makedoniya ilə öz regionunda fəal olan və dünyada əhəmiyyətli gücə çevrilən Türkiye arasındakı həmrəylik və əməkdaşlıq Balkanların təhlükəsizliyinə töhfə verəcək”.
Nazir Yaşar Gülər ​​Şimali Makedoniya Milli Günü və Silahlı Qüvvələr Günü münasibətilə paytaxt Ankarada təşkil edilən tədbirdə iştirak edib.
Tədbirdə çıxış edən Yaşar Gülər ​​Türkiye ilə Şimali Makedoniya arasındakı tarixi əlaqələrə və köklü qardaşlıq bağlarına diqqət çəkib.
“Bu çoxəsrlik qardaşlıq bağlarının təzahürü olaraq Türkiye Şimali Makedoniyanın müstəqilliyini tanıyan ilk ölkələrdən biri oldu”,-deyə Yaşar Gülər vurğulayıb.
İki ölkə arasında siyasi, hərbi, ticarət, təhsil və turizm başda olmaqla bir sıra sahədə əməkdaşlıq imkanlarının olduğunu bildirən Yaşar Gülər deyib:"Əməkdaşlığımız daim inkişaf edir. Şimali Makedoniyanın ictimai quruluşunun hüzurlu olması Balkanlar üçün son dərəcə əhəmiyyətlidir. Şimali Makedoniya və Türkiye arasındakı həmrəylik və əməkdaşlıq Balkanların təhlükəsizliyinə töhfə verəcək”.