Yaşar Gülər Zakir Həsənovu təbrik etdi

Türkiyenin milli müdafiə naziri Yaşar Gülər ​​Azərbaycan ordusunun Qarabağda həyata keçirdiyi antiterror tədbirlərinin uğurla başa çatması münasibətilə Azərbaycanın müdafiə naziri Zakir Həsənovu təbrik edib.

Azərbaycan Müdafiə Nazirliyindən verilən məlumata görə, Türkiyenin milli müdafiə naziri Yaşar Gülər ​​Azərbaycanın müdafiə naziri Zakir Həsənova  zəng edib.

Yaşar Gülər ​​həmkarı Zakir Həsənovu antiterror tədbirlərinin uğurla başa çatması münasibətilə təbrik edərək bildirib ki, Türkiye həmişə olduğu kimi bu gün də Azərbaycanın yanındadır.

Yaşar Gülər ​​antiterror tədbirləri zamanı şəhid olan əsgərlərlə əlaqədar həmkarına başsağlığı verib, xəsarət alanlara şəfa diləyib.

Nazirlər müxtəlif məsələlər ətrafında fikir mübadiləsi aparıblar.