Ərdoğan Hindistana başsağlığı verib

Prezident Rəcəb Tayyib Ərdoğan Hindistanın Odişa əyalətində baş verən qatar qəzasında həyatını itirənlərin ailələrinə, Hindistan xalqına və hökumətinə başsağlığı verib.

Ərdoğan sosial media hesabında etdiyi paylaşımda "Hindistanın Odişa əyalətində baş verən qatar qəzasında həyatını itirənlərin ailələrinə, Hindistan xalqına və hökumətinə öz adımdan və millətim adından başsağlığı verir, yaralananlara şəfalar diləyirəm. Türkiye olaraq Hindistanın yanındayıq" deyib.

Xatırladaq ki, iyunun 2-də Hindistanın Odişa əyalətində iki sərnişin və bir yük qatarının daxil olduğu qatar qəzasında 294 nəfər ölüb, 1000-dən çox insan yaralanıb.