“Məqsədimiz bir il ərzində zəlzələdən ziyan görmüş şəhərlərimizi normal həyata qaytarmaqdır”

Türkiye Prezident Rəcəb Tayyib Ərdoğan deyib: "Məqsədimiz bir il ərzində zəlzələdən ziyan görmüş şəhərlərimizi normal həyata qaytarmaqdır”.
Rəcəb Tayyib Ərdoğan dünən Malatyada verdiyi açıqlamada zəlzələ fəlakətindən sonra axtarış-xilasetmə, dağıntıların aradan qaldırılması, təcili yardım və müvəqqəti sığınacaq kimi işlərlə yanaşı daimi yaşayış evlərinin tikintisi ilə əlaqədar hazırlıqlara başladıqlarını bildirib.
Dövlət başçısı qeyd edib ki, zəlzələ bölgəsində ümumilikdə 650 min mənzil inşa ediləcək, onlardan 319 mininin 1 il ərzində təhvil edilməsi gözlənilir.