Mövlud Çavuşoğlu gündəmdəki aktual məsələləri qiymətləndirib

Mövlud Çavuşoğlu Rumıniyanın paytaxtı Buxarestdə keçirilən NATO-ya üzv dövlətlərin xarici işlər nazirləri toplantısından sonra keçirdiyi mətbuat konfransında gündəmdəki aktual mövzuları qiymətləndirib.

1913050
Mövlud Çavuşoğlu gündəmdəki aktual məsələləri qiymətləndirib

Türkiyənin xarici işlər naziri Mövlud Çavuşoğlu Türkiyənin Suriyanın şimalında separatçı terror təşkilatı PKK/YPG-yə qarşı mümkün quru əməliyyatı ilə bağlı deyib: "Biz Türkiyənin qarşısını almaq cəhdlərini görürük. NATO müttəfiqlərindən dəstək gözləyirik". 
Mövlud Çavuşoğlu Rumıniyanın paytaxtı Buxarestdə keçirilən NATO-ya üzv dövlətlərin xarici işlər nazirləri toplantısından sonra keçirdiyi mətbuat konfransında gündəmdəki aktual mövzuları qiymətləndirib.
Başda Amerika Birləşmiş Ştatları olmaqla “Suriyadakı terror hədəflərini havadan vurun, qurudan daxil olmayın” şəklində Türkiyənin qarşısını almaq cəhdlərinin olduğunu vurğulayan Mövlud Çavuşoğlu Türkiyənin müttəfiqlərindən dəstək gözlədiyini bəyan edib.
Mövlud Çavuşoğlu deyib: "Bəzi müttəfiqlərin, xüsusən də ABŞ-ın Suriyadakı terror təşkilatlarına dəstəyi göz qabağındadır. Ona görə də deyirik ki, bu cür dəstəyə son qoyulmalıdır". 
Mövlud Çavuşoğlu həmçinin İsveç və Finlandiya ilə  əldə olunan üçtərəfli razılaşmanı qiymətləndirib.
"Atılan addımları və İsveçin yeni hökumətinin əvvəlki hökumətdən daha qətiyyətli olduğunu vurğuladıq və onları alqışladığımızı da bildirdik. Ancaq məsələ  ilə bağlı konkret addımın atıldığını görmədiyimizi bildirdik''.



Әlaqәli Xәbәrlәr