Əminə Ərdoğan ABŞ-da mükafata layiq görüldü

USCMO-nun baş katibi Usamə Cammal (Osama Jammal) tərəfindən qarşılanan birinci xanım Əminə Ərdoğan mükafatlandırma mərasimindən sonra etdiyi çıxışında deyib...

1881768
Əminə Ərdoğan ABŞ-da mükafata layiq görüldü

 

  Türkiyə prezidenti Rəcəb Tayyib Ərdoğanın həyat yoldaşı Əminə Ərdoğana ABŞ Müsəlman Təşkilatları Şurasının (USCMO) Nyu-Yorkda keçirilən mərasimində təhsil, ətraf mühit və humanitar yardım sahələrində müsəlman qadınlara sosial layihələr üçün verilən “Beynəlxalq uğur və cəmiyyətə töhfə” mükafatı təqdim olunub.

  USCMO-nun baş katibi Usamə Cammal (Osama Jammal) tərəfindən qarşılanan birinci xanım Əminə Ərdoğan mükafatlandırma mərasimindən sonra etdiyi çıxışında deyib: “Dünyanın vicdanı olan ölkəm adından bu qiymətli mükafatı qəbul edirəm. Belə bir proqramın təşkilinə görə Müsəlman Təşkilatları Şurasına təşəkkür edirəm.

  Türkiyənin humanitar yardım sahəsində təcrübəsi xarici siyasətdən daha artıqdır və türk xalqının vicdan kompasıdır”.



Әlaqәli Xәbәrlәr