"BMT-nin mövcud strukturu dəyişilməlidir", F.Altun
Türkiyə Prezident Aparatı İctimaiyyətlə Əlaqələr Departamenti Hollandiyanın paytaxtı Amsterdamda “BMT Təhlükəsizlik Şurasının islahatı: beynəlxalq nizamın yenidən qurulmasına yanaşma” adlı panel təşkil edib
Türkiyə Prezident Aparatı İctimaiyyətlə Əlaqələr Departamenti Hollandiyanın paytaxtı Amsterdamda “BMT Təhlükəsizlik Şurasının islahatı: beynəlxalq nizamın yenidən qurulmasına yanaşma” adlı panel təşkil edib. Panel departamentin rəhbəri Fəxrəddin Altunun video-müraciəti ilə başlayıb. O deyib: “Birləşmiş Millətlər Təşkilatı yaxın keçmişdə və bu gün insan faciələri və müharibələr qarşısında aciz qalır, beynəlxalq ictimaiyyətin gözləntilərini qarşılaya bilmir, buna görə də BMT-nin mövcud strukturunun dəyişilməsinə ehtiyac var”.
İstanbul Mədəniyyət Universiteti Beynəlxalq Əlaqələr kafedrasının müəllimi, professor Özden Zeynep Oktav paneldən sonra verdiyi açıqlamada Türkiyənin BMT-nin strukturunda islahat edilməsi lazım olduğunu dünyaya çatdırdığını bildirərək “Türkiyə sistemi yenidən nəzərdən keçirmək üçün bir fürsətdir” deyib.
Avropa Parlamentinin üzvü Rışard Çarnetski (Ryszard Czarnecki) BMT-nin dünyada baş verən problemlərin həllində təsirsiz olduğunu və təşkilatın islahatlara getməli olduğunu söyləyib.
Diplomatik Dünya İnstitutunun (Diplomatic World İnstitute) layihə rəhbəri Alberto Turkstra da belə deyib: "Biz hamımız bilirik ki, BMT-də köklü dəyişiklik vacibdir. Qlobal struktura nəzər salsaq, BMT tərəfindən beynəlxalq sülh və təhlükəsizliyin təmin edilməsi üçün islahatlara ehtiyac var".
Әlaqәli Xәbәrlәr
Son iki həftədə 75 terrorçu da zərərsizləşdirilib
İraq və Suriyanın şimalında terrorla mübarizə əməliyyatları qətiyyətlə davam etdirilir.