Türkiyə Birləşmiş Ərəb Əmirliklərində həyata keçirilən hücumları qınadı

Türkiyə Birləşmiş Ərəb Əmirliklərinin (BƏƏ) paytaxtı Əbu-Dabidə pilotsuz uçuş aparatları (PUA) ilə həyata keçirilən hücumları pisləyib.

Xarici İşlər Nazirliyinin bəyanatında "Hücumlarda həyatını itirənlərə Allahdan rəhmət diləyir, ailələrinə, Birləşmiş Ərəb Əmirlikləri xalqına və hökumətinə başsağlığı veririk” deyilib.

Qeyd edək ki, BƏƏ-nin paytaxtı Əbu Dabidə şübhəli pilotsuz təyyarə hücumları həyata keçirilmiş və polis hücumlarda biri pakistanlı, 2-si hindistanlı olmaqla 3 nəfərin öldüyünü, 6 nəfərin yaralandığını açıqlamışdı.