Türkiyǝ koronavirusla mübarizǝ çǝrçivǝsindǝ 160 ölkǝyǝ yardım edib

Türkiyǝ Sǝhiyyǝ Nazirliyi tǝrǝfindǝn 160 ölkǝyǝ vǝ 14 bynǝlxalq tǝşkilata epidemiya ilǝ mübarizǝ çǝrçivǝsindǝ  tibbi lǝvazimat göndǝrilib.

1757646
Türkiyǝ koronavirusla mübarizǝ çǝrçivǝsindǝ 160 ölkǝyǝ yardım edib

Türkiyǝ yeni növ koronavirusla mübarizǝ çǝrçivǝsindǝ 160 ölkǝyǝ yardım ǝlini uzadıb.

Türkiyǝ Sǝhiyyǝ Nazirliyi tǝrǝfindǝn 160 ölkǝyǝ vǝ 14 bynǝlxalq tǝşkilata epidemiya ilǝ mübarizǝ çǝrçivǝsindǝ  tibbi lǝvazimat göndǝrilib.

Sǝhiyyǝ Nazirliyi  Milli Müdafiǝ Nazirliyi, Daxili İşlǝr Nazirliyi, Xarici İşlǝr Nazirliyi,Türk Әmǝkdaşlıq vǝ Koordinasiya Agentliyi, Türkiyǝ Qızıl Aypara Cǝmiyyǝti vǝ dǝrnǝklǝr vasitǝsilǝ Amerika Birlǝşmiş Ştatları, Almaniya, Çin Xalq Respublikası, İngiltǝrǝ, İtaliya, İspaniya, Rusiya, Norveç, Nigeriya, Meksika vǝ Somalinin dǝ aralarında olduğu 131 ölkǝyǝ yardım edib.

Sǝhiyyǝ Nazirliyinin yardım etdiyi beynǝlxalq tǝşkilatlar isǝ bunlardır:

‘‘Birlǝşmiş Millǝtlǝr Tǝşkilatının Humanitar Mǝsǝlǝlǝr üzrǝ İdarǝsi, BMT-nin Uşaq Fondu, Karib İcması, Mərkəzi Amerika İnteqrasiya Təşkilatı ,NATO, İslam İnkişaf Bankı,  8  Şǝrgi Afrika ölkǝsi tǝrǝfindǝn yaradılan İnkişaf üzrə Hökumətlərarası Orqan ,Ümumdünya Səhiyyə Təşkilatı, PAF, Avropada Təhlükəsizlik və Əməkdaşlıq Təşkilatı, Qızıl Aypara Cəmiyyətləri Federasiyası, BMT-nin Fələstin üzrǝ  Qaçqınlar Agentliyi , Afrika İttifaqı və Dünya Bankı’’.

Türkiyǝ prezidenti Rǝcǝb Tayyib Әrdoğanın göstǝrişi ilǝ Albaniyada da Türkiyǝ-Albaniya Fier Dostluq Xǝstǝxanasının açılışı olub.

Nazirlik hǝmçinin ‘‘TURKOVAC’’ peyvǝndi ilǝ bağlı 9 ölkǝ ilǝ müzakirǝlǝrini davam etdirir.

‘‘Covid-19’’ pasportunun qarşılıqlı tanınması ilǝ bağlı 50 ölkǝ ilǝ ǝmǝkdaşlıq fǝaliyyǝtlǝri davam etdirilir.

Mǝlumata görǝ, Sǝhiyyǝ Nazirliyi Şimali Kıbrız Türk Cümhuriyyǝtinǝ 543 min 330 doza, Qırğızıstana 160 min 800 doza, Özbǝkistana 200 min doza, Liviyaya 150 min doza,  Türkmǝnistana 150 min doza, Monteneqroya 100 min doza, Moldovaya 70 min doza, Seneqala 50 min doza, Tunisǝ 50 min doza, Bosniya vǝ Herseqovinaya 40 min doza vǝ  Şimali Makedoniyaya 30 min doza ödǝnişsiz peyvǝnd göndǝrǝcǝk.

Peyvǝnd tǝlǝb edǝn ölkǝlǝr isǝ Albaniya, Kosovo, Suriya, Fələstin, Mavritaniya, Maldiv adaları, Namibiya, Monqolustan, Gürcüstan, Lesoto, İraq (İraq Kürd Regional Rǝhbǝrliyi), Nepal vǝ  Madaqaskardır.



Әlaqәli Xәbәrlәr