Şırnakda 2 gündə 19 terrorçu zərərsizləşdirildi

Türkiyənin Şırnak vilayətinin Bestlər Derələr bölgəsində keçirilən əməliyyatda 5 terrorçu zərərsizləşdirildi. Bununla da iyunun 8-dən bəridir zərərsizləşdirilən terrorçu sayı 19-a çatdı.

Şırnak Valiliyinin açıqlamasına görə, Bestler Dərələr bölgəsində iyunun 8-də başlanan əməliyyat davam edir.

Pilotsuz uçuş aparatı (PUA) vasitəsilə aşkarlanan 5 PKK-lı terrorçu həyata keçirilən yaxın hava hücumu nəticəsində zərərsizləşdirildi. Bununla da zərərsizləşdirilən terrorçu sayı 19-a çıxdı.

Bölgədə əməliyyatın davam etdirildiyi bildirilib.