Mahmud Abbas Ərdoğanı "2018 Qüds İslam Dünyası Gənclik Paytaxtı" proqramına dəvət etdi

Fələstinin dövlət başçısı Mahmud Abbas Türkiyənin dövlət başçısı Rəcəb Tayyib Ərdoğanı "2018 Qüds İslam Dünyası Gənclik Paytaxtı" proqramına fəxri qonaq olaraq dəvət etdi.
 
 Fələstin Gənclər və İdman Naziri Jibril Rajoub verdiyi açıqlamada Abbasın İslam Konfransı Dialoq və Əməkdaşlıq Gənclər Forumu  ilə həyata keçirdiyi "2018 Qüds İslam Dünyası Gənclik Paytaxtı" proqramı çərçivəsində ev sahibi kimi Ərdoğana dəvət məktubu yazdığını bildirdi.
 
 Rajoub Abbasın dəvət məktubunda Ərdoğana İslam Əməkdaşlıq Təşkilatının (İƏT) hazırkı sədri kimi Qüdslə bağlı təşəbbüs və beynəlxalq arenada göstərdiyi səmimi dəstəyə görə təşəkkürlərini dilə gətirdiyini vurğuladı.
 
  İslam Konfransı Dialoq və Əməkdaşlıq Forumu  və Fələstin Gənclər və İdman Nazirliyinin əməkdaşlığı ilə təşkil olunan "Qüds 2018 İslam Dünyası Gənclik Paytaxtı" proqramının açılış mərasimi fevralın 6-da Fələstinin dövlət başçısı Mahmud Abbasın ev sahibliyində və İƏT üzvü olan ölkələrin Gənclər və İdman nazirlərinin iştirakı ilə keçiriləcək.