Türkiyə Misirə başsağlığı verdi

Türkiyə Xarici İşlər Nazirliyindən verilən yazılı məlumatda bilirilir ki...

1823619
Türkiyə Misirə başsağlığı verdi

 

  Türkiyə Misirdə Süveyş kanalının şərqində su nasos stansiyasına edilən hücumda həyatını itirənlərə başsağlığı verib.

  Türkiyə Xarici İşlər Nazirliyindən verilən yazılı məlumatda 11 əsgərin şəhid olması, 5-inin yaralanması ilə nəticələnən hücum qınanılıb.

  Məlumatda bildirilir: “Hücumda həyatını itirənlərə Allahdan rəhmət, ailələrinə, qardaş Misir xalqına və dövlətinə başsağlığı, yaralananlara isə tezliklə şəfa diləyirik”.

  Qeyd edək ki, Misirin Sinay yarımadasında Süveyş kanalının şərqində bir qrup terrorçu ilə qızğın qarşıdurmada 11 əsgər şəhid olub, 5-i yaralanıb.

  Misir Ordusunun rəsmi “facebook” səhifəsində verilən yazılı açıqlamaya görə, Süveyş kanalının şərqində su təmizləyici qurğuya hücum etməyə cəhd edən bir qrup terrorçu ilə gərgin qarşıdurma yaşanıb. Bu zaman biri zabit olmaqla 11 əsgər həyatını itirib, 5-i yaralanıb. Münaqişədən sonra terrorçular Sinayda boşaldılan ərazidə mühasirəyə alınıb.

  Misir Silahlı Qüvvələri terrora tamamilə son qoymaq səylərinin davam etdiyini bildirib.



Әlaqәli Xәbәrlәr