Türkiyə XİN: ''Ermənistan rəhbərliyi ağıl və vicdanını itirmiş bir şəkildə hərəkət edir''

Ermənistanın uşaq demədən, gənc, yaşlı ayırd etmədən dinc əhaliyə qarşı davam etdirdiyi bu alçaq hücumları lənətləyirik.

1517688
Türkiyə XİN: ''Ermənistan rəhbərliyi ağıl və vicdanını itirmiş bir şəkildə hərəkət edir''

“Dünənki qəddar təcavüzün ardından Ermənistan Azərbaycanın münaqişə zonasından kənarda olan Bərdə şəhərindəki dinc əhaliyə alçaqca və xaincə növbəti dəfə hücum edib. Bu hücum nəticəsində, ilkin məlumata görə, 21 nəfər həlak olub, 70-dən çox insan yaralanıb. Dünyasını dəyişən qardaşlarımıza Allahdan rəhmət, yaralılara şəfa, Can Azərbaycana başsağlığı və mətanət diləyirik”.

Bu barədə Türkiyə Xarici İşlər Nazirliyinin bəyanatında qeyd olunub.

“Ermənistanın uşaq demədən, gənc, yaşlı ayırd etmədən dinc əhaliyə qarşı davam etdirdiyi bu alçaq hücumları lənətləyirik. Ermənistanın dinc əhalini terror etmək və qətl etmək üçün yürütdüyü bu xain siyasət Xocalı qətliamının arxasında yatan xəstə zehniyyətin təzahürüdür. İşğal etdiyi ərazilərdən çıxmamaq üçün hər yola əl atan Ermənistan rəhbərliyi ağıl və vicdanını itirmiş bir şəkildə hərəkət edir. Bu son hücum Ermənistanın etdiyi və məsuliyyətə cəlb olunacağı hərbi cinayətlər siyahısında öz utanc yerini tutub. Başda Minsk qrupu həmsədrləri olmaqla, beynəlxalq ictimaiyyətin Ermənistana lazımi reaksiyanı göstərməsinin zamanı çoxdan yetişib”, - bəyanatda qeyd olunub.



Әlaqәli Xәbәrlәr