"Türkiyə artıq Avropaya getmək istəyən qaçqınlara mane ola biləcək vəziyyətdə deyil", Ö.Çelik

Ədalət və İnkişaf Partiyasının sözçüsü Ömər Çelik Türkiyənin artıq Avropaya getmək istəyən qaçqınlara mane ola biləcək vəziyyətdə olmadığını söyləyib.

Ömər Çelik Suriya rejiminin Türkiyə əsgərlərinin şəhid olduğu xain hücumundan sonra verdiyi açıqlamada “Qaçqınlarla bağlı siyasətimiz dəyişməyib, amma ortada durum var, artıq qaçqınları saxlaya biləcək vəziyyətdə deyilik” ifadələrini işlədib.

Suriya rejiminin şiddətli hücumlarından qaçan İdlib xalqının Türkiyə sərhədində yaratdığı köç dalğasının quru və dəniz yolundan Avropaya keçməsinə mane olunmayacağı, sahil təhlükəsizlik və sərhəd təhlükəsizliyi işçilərinə lazım gələn təlimatın verildiyi bildirilmişdi.