Hollandiya vətəndaşı 2 terrorçu deportasiya edildi

Türkiyə Hollandiya vətəndaşı 2 terrorçunun deportasiya edildiyini açıqladı.

Daxili İşlər Nazirliyinin açıqlamasında xarici terrorçuların ölkələrinə geri qaytarılması prosesinin davam etdiyi bildirilib.

Açıqlamada noyabrın 19-da həmin çərçivədə 2 Hollandiya vətəndaşı terrorçunun ölkələrinə geri qaytarıldığı qeyd edilib.

Digər tərəfdən, Hollandiya Prokurorluğunun açıqlamasında bildirilib ki, Suriyadan Türkiyəyə keçən və ölkədən çıxarılan iki DEAŞ-lı qadın terrorçu noyabrın 19-da Amsterdam Şiphol hava limanında saxlanıldı.

Açıqlamada 3 və 4 yaşlarında uşağı olan 25 yaşındakı DEAŞ-lı qadının oktyabr ayının sonunda Hollandiyanın Ankara Səfirliyinə müraciət etdiyi, digər qadının isə, 2018-ci ilin yanvar ayında Türkiyədə saxlanıldığı qeyd olunub.

Açıqlamada DEAŞ-dan olan iki qadın terrorçunun cümə günü Rotterdam məhkəməsinə göndəriləcəyi bildirilib.

Qeyd edək ki, 11-19 noyabr tarixləri arasında 10 alman, bir danimarkalı, bir ingilis, bir amerikalı və 2 hollandiyalı Türkiyədən deportasiya edildi.

Türkiyədəki geri göndərmə mərkəzlərində hələ də 36 vətəndaşlığı bəlli olan, bir vətənsiz ilə 2 vətəninin müəyyən edilməsi üçün fəaliyyətlərin davam etdiyi 944 xarici terrorçu var.