Suriya və İraq sərhədlərində əməliyyatlar üzrə səlahiyyətlərin müddəti TBMM-də daha bir il uzadıldı

Türkiyə Silahlı Qüvvələrinə (TSQ) İraq və Suriyada transsərhəd  əməliyyatlar həyata keçirmə səlahiyyəti verən sənədin müddəti daha bir il uzadıldı.

TSQ-ya İraq və Suriyada sərhəddən kənarda  əməliyyatlar həyata keçirmə  imkanı verən Prezident Aparatının sənədi Türkiyə Böyük Millət Məclisində (TBMM) müzakirə edildi və təsdiqləndi. 

Məclisin iclasında Xalqların Demokrat Partiyası (HDP) xaric bütün partiyalardan təmsil olunan millət vəkilləri sənədin lehinə səs verdi. 

Həmçinin aparıcı müxalifət partiyalarından Cümhuriyyət Xalq  Partiyası və İyi Partiya liderləri də sənədin təsdiqini dəstəklədi.