Hakkaridə 2 PKK terrorçusu zərərsizləşdirildi

   Türkiyə Daxili İşlər Nazirliyi məlumat yaydı.

  Məlumata görə, "Sarsıdıcı əməliyyat" çərçivəsində Hakkari vilayətinin Kazan vadisində terror təşkilatı PKK-ya qarşı əməliyyat keçirilib.

 Əməliyyatda 2 terrorçu zərərsizləşdirilib.

 Zərərsizləşdirilən terrorçuların Hakkaridə iyunun 1-də iki əsgərin,  iyunun 28-də bir əsgərin şəhid olduğu terror hücumlarında iştirak etdikləri müəyyən edilib.

 Terrorçuların eyni zamanda, avqustun 26-də Hakkarinin Doğanlı bölgəsində zərərsizləşdirilən mina/əl istehsalı partlayıcısının yerləşdirilməsi aktının da iştirakçıları olduqları bildirildi.