Türkiyәnin dövlәt xadimlәri Mursinin ölümü ilә bağlı başsağlığı verdilәr

Türkiyә Böyük Millәt Mәclisinin sәdri Mustafa Şәntop Misirin demokratik yolla seçilmiş ilk dövlәt başçısı Mәhәmmәd Mursinin şәhid olması ilә bağlı  sәxsi internet sәhifәsindәn açıqlama verib.

1220424
Türkiyәnin dövlәt xadimlәri Mursinin ölümü ilә bağlı başsağlığı verdilәr

 

Türkiyәnin dövlәt xadimlәrin Mursinin ölümü ilә bağlı başsağlığı verdilәr.

Türkiyә Böyük Millәt Mәclisinin sәdri Mustafa Şәntop Misirin demokratik yolla seçilmiş ilk dövlәt başçısı Mәhәmmәd Mursinin şәhid olması ilә bağlı  sәxsi internet sәhifәsindәn açıqlama verib.

Mustafa Şәntop başsağlığı mesajında bu ifadәlәrә yer verib: ‘‘Mursi qanunun aliliyini göstәrmә cәsarәti olan bir liderdir. Mursi hәbs edilsә dә onu hәbs edәnlәrdәn daha azad idi.’’,-deyә Mustafa Şәntop vurğulayıb.

Şәntop açıqlamasında  Misir xalqı, İslam alәmi vә istismar olunan millәtlәrә başsağlığı verib.

Türkiyәnin xarici işlәr naziri Mövlud Çavuşoğlu  vә Әdalәt vә İnkişaf Partiyasının mәtbuat katibi Ömәr Çelik dә Mursinin vәfat etmәsi  ilә bağlı başsağlığı mesajı yayımlayıblar.

Mövlud Çavuşoğlu Mursinin mәhkәmә iclası zamanı vәfat etmәsi ilә bağlı deyib: ‘‘Dövlәt çevrilişi onu hakimiyyәtdәn uzaqlaşdırsa da, onun әziz xatirәsi ürәklәrdә daim yaşayacaq’’.

Türkiyə Prezident Aparatının Kommunikasiya İdarəsinin rəhbəri Fəxrəddin Altun da şәxsi internet sәhifәsindәn verdiyi açıqlamada bu ifadәlәrә yer verib: ‘‘Qanlı çevrilişlә hakimiyyәtdәn uzaqlaşdırılan Misirin demokratik yolla seçilmiş ilk prezidenti Mәhәmmәd Mursi mәhkәmә iclası zamanı haqqa qovuşdu’’.

Әdalәt vә İnkişaf Partiyasının mәtbuat katibi Ömәr Çelik dә bildirib ki, Misirin demokratik yolla seçilmiş ilk prezidenti Mәhәmmәd Mursi qeyri-qanuni  çevrilişlә hakimiyyәtdәn uzaqlaşdırıldı. Mәhkәmә iclası zamanı şәhid oldu. Mәhәmmәd Mursiyә Allahdan rәhmәt dilәyirik. Ömәr Çelik Mursinin nәşinin  ailәsinә tәhvil verilmәdәn dәfn edilmәsinә dә reaksiya göstәrib.

Ömәr Çelik deyib: ‘‘Mәhkәmә iclasında vәfat etmiş şәrәfli insanın nәşindәn qorxurlar’’.



Әlaqәli Xәbәrlәr