Son bir həftədə 45 terrorçu zərərsizləşdirildi

Türkiyədə təhlükəsizliklə əlaqəli həyata keçirilən əməliyyatlar çərçivəsində son bir həftədə 45 terrorçu zərərsizləşdirilib.

Onlardan ikisinin dırnaqarası yüksək səviyyəli rəhbər olduğu bildirilib.

Daxili İşlər Nazirliyinin 29 oktyabr-2 noyabr tarixləri arasında həyata keçirilən daxili təhlükəsizliklə əlaqəli əməliyyatlara dair məlumatında qeyd edilib ki, Jandarm Xüsusi Hərəkat (JÖH), Polis Xüsusi Hərəkatı (PÖH), Jandarm Xüsusi Dəstələri ilə Daxili Təhlükəsizlik Əməliyyatları çərçivəsində Türkiyə Silahlı Qüvvələrinin Hava və Quru Qoşunları tərəfindən 2143 əməliyyat həyata keçirildi.

Əməliyyatlar çərçivəsində 4577 nəfərin də nəzarətə götürüldüyü bildirilib.